راولپنڈی اور اسلام آباد میں آج بارش کا امکان ہے

راولپنڈی اور اسلام آباد

راولپنڈی: طویل خشک سالی کے بعد ان دونوں شہروں میں ہفتے کی رات سے بارش کا امکان ہے۔ محکمہ موسمیات نے یہ اطلاع دی۔
بارش اتوار تک جاری رہے گی۔
محکمہ موسمیات کا کہنا ہے کہ کمزور مغربی موسمی نظام ملک کے بالائی علاقوں میں داخل ہونے کا امکان ہے اور اتوار تک ایسا ہی رہے گا۔
اس موسمی نظام کے زیر اثر کشمیر، گلگت بلتستان، بالائی خیبرپختونخوا، اسلام آباد اور شمال مشرقی پنجاب میں ہفتہ کی رات سے اتوار تک پہاڑوں پر برفباری کے ساتھ بارش کا امکان ہے۔

محکمہ موسمیات کی ایڈوائزری میں کہا گیا ہے کہ ہفتہ کو کوئٹہ، زیارت، پشین، ژوب اور اس سے ملحقہ علاقوں میں گرج چمک کے ساتھ بارش کا امکان ہے۔
اتوار کے روز کشمیر، چترال، دیر، سوات، مالاکنڈ، کوہستان، شانگلہ، بونیر، مانسہرہ، ایبٹ آباد میں پہاڑوں پر برفباری اور گرج چمک کے ساتھ بارش کا امکان ہے۔

Important Links:

New Jobs 2022 AUSAF NEWS Government Jobs 2022